ТӨЛЕГЕН Бахаргүл «ҰЛТ ЖАУҺАРЛАРЫ»

ТӨЛЕГЕН Бахаргүл

«ҰЛТ ЖАУҺАРЛАРЫ»

Қолөнер шеберлері табиғаттың əсем көріністерін өздері жасап отырған бұйымдарға жиі қолданды, жəне оны ұқыптылықпен сақтап атадан балаға, ғасырдан ғасырға жеткізді. Үй кəсібі мен қолданбалы өнер бұйымдары – ат əбзелдері, киіз үй жабдықтары, нəзік оюланған үй жасау бұйымдары, ыдыс-аяқтар мен жиһаздарының түрлері, кілемдер, киіздер, сырмақтар, текеметтер, кестелер, ши тоқыма бұйымдары, міне осылардың барлығы халықтың өнері сонау замандардан-ақ жоғары дəрежеде болғанын айшықтайды. Қазақ даласында аса шебер зергерлер көп болатын. Олар алтын-күміспен, алуан түрлі асыл тастармен ер, жүген, пыстан, үзеңгі, таралғы, өмілдірік, құйысқан сияқты ер-тұрман түрлерін, сақина, білезік, сырға, алқа, шолпы, кісе-кемер белбеулер, түйреуіш, сəнді сəукеле əшекейлері сияқты ерлер мен əйелдердің əсем əшекей бұйымдарын жасаған. Осы жоғарыда айтылған дүниелердің сан алуан түрлері менің топтама жинағымда көп кездеседі. Назарларыңызға ілтипатпен ұсынамын!